Հայաստանի Սյունիքի մարզում սոցիալ-տնտեսական զարգացման խթանմանն ուղղված էական քայլ լինելով՝ Եվրամիությունը (ԵՄ) և Ավստրիան Եվրոպական ներդրումային բանկի և ԵՄ անդամ 10 այլ երկրների հետ միասին մեկնարկել են Դիմակայուն Սյունիք Թիմ Եվրոպա նախաձեռնությունը: Այս համատեղ ջանքերը նպատակաուղղված են ներդրումների և զարգացման ծրագրերի միջոցով տարածաշրջանում կայունության և աճի խթանմանը:
Միջոցառման մեկնարկի ընթացքում Հայաստանում ԵՄ պատվիրակության ղեկավար դեսպան Անդրեա Վիկտորինը և Հայաստանում Ավստրիայի դեսպան Թոմաս Մյուլմանը ներկայացրեցին «Սյունիքի վերականգնման, դիմադրության և զարգացման» (R2D Սյունիք) ծրագրի Կապանի գրասենյակը:
Այս նախաձեռնությունը, որը համաֆինանսավորվում է ԵՄ-ի և Ավստրիայի Զարգացման Համագործակցության կողմից, նպատակ ունի նպաստել միկրո, փոքր և միջին ձեռնարկությունների (ՓՄՁ-ների) վերականգնմանն ու ճկունությանը, միաժամանակ վերականգնելով կայուն փոքրածավալ համայնքային ենթակառուցվածքները Սյունիքում:
Դեսպան Մյուլմանը շնորհակալություն է հայտնեց Սյունիքի մարզպետ Ռոբերտ Ղուկասյանին ջերմ ընդունելության և հյուրընկալության համար։ Դեսպանը կարևորեց Ավստրիայի պատրաստակամությունը խորացնելու իր ներգրավվածությունը Սյունիքում՝ ընդգծելով տարածաշրջանում կայուն զարգացմանն ու բարգավաճմանը նպաստելու հանձնառությունը։
